Ika-dalawampu’t dalawang taon

Kasama ang isa sa mga matalik na kaibigan, napagdesisyunan kong ipagdiwang ang aking ikadalawampu’t dalawang taon sa napakagandang probinsya ng Buscalan, Kalinga.

Naalala ko noong kolehiyo, isang munting pangarap lamang ang makapunta rito, pero sabi nga nila, dreams do come true. Tiwala lang. Haha!

Sobrang ganda ng Buscalan. OA na kung OA pero pakiramdam ko ay nasa ibang mundo ako roon. Literal na napapaligiran ako ng mga kabundukan, payak ang pamumuhay, walang signal, at sobrang mabubuti ang mga tao.

Habang ninanamnam ang ganda ng Buscalan, hindi ko napigilang magpasalamat sa napakaraming bagay—buhay, enerhiya, oras, pamilya, kaibigan, atbp. Mahirap mabuhay, oo, pero naisip kong mas mahirap pala kapag hindi mo hinayaan ang sariling danasin ang hirap ng buhay. Hindi mo matatawag na libro ang isang libro kung walang magbabasa rito. Hindi mo tatawaging awit ang awitin kung walang mang-aawit, at sayaw ang sayaw kung walang iindayog. Ang buhay ay hindi matatawag na buhay kung walang mabubuhay; kung wala kang mararamdamang pagtibok at pagkirot.

Sa ikadalawampu’t dalawang taon ko, ipinangako kong hinding-hindi na ipagdadamot sa sarili ang kalayaang mabuhay. Sa kung ano, o kung saan man ako dalhin ng tadhana at pangarap, ng mga ‘bakit?’, ‘paano?’, at ‘sana’, ay mahanap ko pa rin ang tunay na kaligayahan ng puso at isipan. Mabuti naman ang uniberso sa mga taong patuloy na naniniwala’t sumusubok.

Maligayang ika-dalawampu’t dalawa, Clem. Masaya akong nandito ka.


Nais ko ring ibahagi ang ilan sa mga paboritong kinunang larawan sa Buscalan at Banaue.

Bukang Liwayway sa Buscalan, Kalinga

Bulul (rice guardian) at Banaue Rice Terraces

Bayyo Rice Terraces

Baybayin ni Daphne at lagda ni Apo

Sa aking ika-dalawampu’t dalawang taon ay napagdesisyunan ko ring magpa-tattoo sa Buscalan sa tradisyunal na paraan. Ang tatlong tuldok ay lagda ni Apo Whang-od at ang baybayin naman ay mula kay Daphne na isang batang mambabatok. Hi-raya ang basa sa baybayin na ang ibig sabihin ay imahinasyon.


Advertisements

2 thoughts on “Ika-dalawampu’t dalawang taon”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s